Avqustun 16-da Azərbaycan Qol Güləşi Federasiyasının prezidenti Cəsarət Əhmədov milli yığma komandanın üzvlərini Heydər Əliyev adına Beynəlxalq Hava Limanından Moldovanın paytaxtı Kişinyov şəhərinə yola saldı. İdmançılarımız Kişinyovda Dünya Armrestlinq Federasiyasının təşkilatçılığı ilə keçiriləcək Qol güləşi üzrə 45-ci rəsmi Dünya çempionatında ölkəmizi təmsil edəcəklər. Yığma komanda 7 nəfər idmançı və 1 nəfər nümayəndədən ibarət heyətlə yola düşüb.

Qeyd edək ki, Azərbaycan idmançılarının bu dünya çempionatında iştirakı üçün tələb olunan bütün xərcləri də Cəsarət Əhmədov öz şəxsi vəsaitləri hesabına ödəyib.

Bütün idmançılarımıza uğurlar diləyirik!