Artıq xəbər verdiyimiz kimi, 2018-ci ilin sentyabr ayının 2-dən 8-dək Qırğızıstanın Çolpan-Ata şəhərində növbəti Dünya Köçəri Oyunları (World Nomad Games) keçirilir. Bu möhtəşəm beynəlxalq idman tədbirində Azərbaycan idmançıları da çoxsaylı heyətlə iştirak edirlər. O cümlədən, Dünya Köçəri Oyunlarının proqramına daxil edilmiş qol güləşi idman növü üzrə keçirilən yarışlarda ölkəmizi Azərbaycan Qol Güləşi Federasiyasının dörd idmançısı təmsil etmişdir.

Bu gün, 03.09.2018-ci il tarixində qol güləşi üzrə yarışlar başa çatmış və idmançılarımız bu yarışda 2-si gümüş, 4-ü bürünc olmaqla ümumilikdə 6 medal əldə etmişlər. Sevindirici haldır ki, Qırğızıstana gedən idmançılarımızdan hər biri Vətənə medalla qayıdacaqdır. Aşağıda həmin idmançıların adlarını bir daha təqdim edirik:

1. Zöhrab Məhsimov – 75 kq – sağ qol – III yer;
2. Elsevər Xasıyev – 95 kq – sağ qol – III yer;
3. Rəşad İsrafilov – 105 kq – sol qol – II yer; sağ qol – III yer;
4. Rüstəm Qurbanov – (105+) kq– sol qol – II yer; sağ qol – III yer;

Bütün idmançılarımızı əldə olunmuş nailiyyətlər münasibətilə səmimi qəlbdən təbrik edirik!