Artıq xəbər verdiyimiz kimi, mart ayının 18-də Dənizkənarı Milli Parkda Azərbaycan xalqının milli bayramı – Novruz münasibətilə ümumxalq şənliyi keçirilib. Azərbaycan Respublikasının prezidenti cənab İlham Əliyev, birinci vitse-prezident Mehriban xanım Əliyeva və Heydər Əliyev Fondunun vitse-prezidenti Leyla Əliyeva Novruz şənliyində iştirak ediblər.

Dövlət səviyyəsində təşkil olunan möhtəşəm tədbir bu il federasiyamız üçün xüsusilə əlamətdar olub. Belə ki, el şənliyində iştirak etmək üçün dəvət alanların sırasında Azərbaycan Qol Güləşi Federasiyasının rəhbərliyi və idmançıları da olublar. Hər zaman olduğu kimi idmançılarımızın iştirakı şənliyə xüsusi zövq və rəngarənrlik qatıb. Ölkə prezidenti cənab İlham Əliyev federasiyamızın idmançıları ilə görüşərək, Qol güləşi idman növünə göstərdiyi xüsusi marağı bir daha nümayiş etdirib. Əlbəttə ki, dövlət başçısının bu diqqəti və qayğısı idmançılarımızı bundan sonra da daha yüksək nailiyyətlərə, yeni-yeni qələbələrə ruhlandıracaq.