Azərbaycan Qol Güləşi Federasiyasının idmançısı, Qol güləşi üzrə Avropa çempionu Mirtaleh Aslanov 02-05 mart 2017-ci il tarixində ABŞ-ın Ohayo ştatının paytaxtı Kolumbus şəhərində keçirilmiş “Arnold Classic Armwrestling Challenge” turnirində ölkəmizi təmsil etmişdir. Turnirdə uğurla çıxış edən Mirtaleh Aslanov bir çox adlı-sanlı rəqiblərinə qalib gəlmişdir. Yalnız finalda Maykl Todda uduzan idmançımız turnirin gümüş medalını qazanmışdır.

Bu qələbə münasibətilə idmançımızı Avropa Armrestlinq Federasiyasının vitse-prezidenti, Azərbaycan Qol Güləşi Federasiyasının prezidenti Cəsarət Əhmədovun adından, eləcə də federasiyamızın bütün kollektivi və idmançıları adından təbrik edirik!