01.10.2016–10.10.2016-cı il tarixlərində Bolqarıstanın Blaqoyevqrad şəhərində Qol Güləşi üzrə XXXVIII dünya çempionatı və XIX Paraarmrestlinq dünya çempionatı keçirilmişdir. Çempionatda ümumilikdə 60-dan yuxarı ölkə, 1200 nəfərdən artıq idmançı ilə təmsil olunmuşdur.

Avropa Armrestlinq Federasiyasının vitse-prezidenti, Azərbaycan Qol Güləşi Federasiyasının prezidenti Cəsarət Əhmədovun rəhbərliyi altında 9 nəfər idmançıdan ibarət Qol Güləşi üzrə milli yığma komandamız bu çempionatda ölkəmizi təmsil etmişdir.

İdmançılarımız bütün gözləntiləri doğruldaraq Vətənimizə 3 qızıl, 4 gümüş və 3 bürünc medal qazandırmışlar.

Medalçılarımızı təqdim edirik:

Ramazan Rüstəmov – qızıl medal;
Vilayət Namazzadə (əlil idmançı) – qızıl medal;
Qismət Vəkilov – qızıl medal;

Nemət Vəkilov – 1 gümüş, 1 bürünc medal;
Toğrul Şahlarlı – bürünc medal;
Minabəddin Qurbanov – 1 gümüş, 1 bürünc medal.

İsgəndər Mustafayev – gümüş medal;
Hüseyn Əmənli – gümüş medal;

Xüsusi olaraq qeyd etmək istərdik ki, idmançılarımızdan Ramazan Rüstəmov, Hüseyn Əmənli və Toğrul Şahlarlı yarışların gedişində erməni idmançıları ilə qarşılaşmalı olmuşlar. Hər üç idmançımız erməni rəqiblərinə heç bir şans vermədən görüşlərini inamlı qələbə ilə başa vurmuşlar.