13 dekabr 2014-cildə Bakının Nizami rayonunda Azərbaycan Qol Güləşi Federasiyası Qol Güləşi İdman Mərkəzinin açılışı oldu.

 Milli Olimpiya Komitəsinin vitse-prezidenti  Çingiz  Hüseynzadə Dünya və Avropa Armrestlinq federasiyasının prezidenti Assen Hadjitodorov, Gənçlər və İdman Nazirliyinin idman şöbəsinin müdiri Mirkamil Rəhimov, Nazirliyin beynəlxalq əlaqələr şöbəsinin mudiri İlham Mədətov   və digər  rəsmilər iştirak ediblər.

Çingiz Hüseynzadə və Assen Hadjıtodorov mərkəzin rəmzi açılışını bildirən lenti kəsdilər və mərkəzdə yaradılmış şəraitlə tanış oldu.

Azərbaycan Qol Güləşi Federasiyasının prezidenti Cəsarət Əhmədov  qonaqlara yüksək keyfiyyət göstəricilərinə malik olan bu idman mərkəzi barəsində, burada yaradılan şərait və görülən işlər barəsində ətraflı  məlumat verdi. İlk növbədə Azərbaycan Qol Güləşi Federasiyasının baş ofisi və əməkdaşları ilə tanış etdikdən sonra, Cəsarət Əhmədov  qonaqları ən müasir avadanlıqlarla təchiz edilmiş məşq zallarını və kiçik həcimli yarışların keçırilməsi üçün nəzərdə tutulan yarış zalı ilə də tanış etdi.

Sonra idmançılar və qonaqlar qarşısında çıxış edən MOK-nin vitse-prezidenti  Çingiz  Hüseynzadə görülən işləri yüksək qiymətləndirdi və Cəsarət Əhmədova belə bir kompleksi yaratdiğı üçün təşəkkür etdi. Bu idman növünün Azərbaycanda artıq inkişaf etmiş bir idman növü olub və artıq bu idman növündə çempionlarımızın olduğunu deyən Çiniz müəllım belə bir kompleksin istifadəyə verilməsindən sonra bizim nəticələrimizin daha da artacağina ümid etdiyini söylədi.

Dünya və Avropa Armreslınq Federasiyasının prezidenti Assen Hadjitodorov öz çıxışinda Belə bir idman mərkəzinin açılışına dəvət aldığı üçün Cəsarət Əhmədova minnətdarlığını bildirmiş və ona idmançılara bu cür şərait yaratdığı üçün təşəkkür etdi.O, artıq Azərbaycandada qol güləşçilərinin öz evi olduğunu söyləyərək bu idman mərkəzindən yeni-yeni dünya və avropa çempionlarının çıxaçaqına inandiğını bildirdi.

Azərbaycan Qol Güləşi Federasiyasının prezidenti Cəsarət Əhmədov  isə bu günlərdə Azərbaycan Qol Güləşi Federasiyası 5 (beş) illik fəaliyyətini başa vurmasını qeyd edərək, bu yeni mərkəzi idmançılara hədiyyə olaraq istifadəyə verildiyini söylədi. Cəsarət Əhmədov  bundan sonra da daha böyük uğurlara imza atacaqlarını , xalqımızı, millətimizi, dövlətimizi və ölkə prezidentimizi daha çox sevindirəcəklərini bildirdi. O, ölkə başçısının xalqımız, dövlətimiz və idmançılarımız üçün çox çalışdığını söyləyərək biz gənclərin bu yolu davam etdirəcəyimizi inamla bildirdi.

Mərasimdə 3 (üç) idmançımız “İdman ustası” adı   ilə təltif olundular:

1. Vəkilov Neymət
2. Rüstəmov Ramazan
3. Mədətli Ceyhun
4. Məşqçılərimizdən Azər Əliyev isə “Əməkdar məşqçi” adına layiq görülmüşdü.

_________________________________________________________________________________________________

__________________________________________________________________________________